Ghazal : Kis Qadar Dhoke Diye Hain Tuney Mujhko Zindagi

غزل

کس قدر دھوکے دیئے ہیں تونے مجھ کو زندگی
سارا عالم مجھ کو اب لگنے لگا ہے اجنبی

دل میں میرے اک خلش سی جاگ اٹھیے ہے ہنوز
یاد آتی ہے کبھی پہلی نظر جب آپ کی

کیا قیامت ہے کہ وہ مجھ کو مٹانے آئے ہیں
گھر جلا کر اپنا جِن کے واسطے کی روشنی

قلب میں اَنگڑائی لیتا ہے جہانِ انبساط
جب کبھی یاد آتی ہے صورت تمہاری چاند سی

آرزوؤں کے کنول کیا اب کبھی کِھل پائیں گے
خنجروں کے سائے میں کاٹی ہے ہم نے زندگی

کوئی بھی ایسا نہیں جس کو میں اپنا کہوں
اَب جہاں سے دوستوں انسانیت ہی مٹ گئی

سلیمان صدیقی

A Ghazal by Suleman Suddiqui

______________________||FaceBook Page||______________________

A Ghazal by Urdu Poet Suleman Suddiqui

ग़ज़ल

किस क़दर धोके दिये हैं तूने मुझको ज़िन्दगी
सारा आलम मुझको अब लगने लगा है अजनबी

दिल में मेरे इक ख़लिश सी जाग उठती है हनूज़
याद आती है कभी पहली नज़र जब आप की

क्या क़यामत है कि वह मुझको मिटाने आये हैं
घर जला कर अपना जिन के वास्ते की रौशनी

क़ल्ब में अंगड़ाई लेता है जहाने इंबिसात
जब कभी याद आती है सूरत तुम्हारी चाँद सी

सुलेमान सिद्दीक़ी

Ghazal : AuroN Ka Toh Shikwa Hi Kiya KarteY HaiN Ham Log

غزل

اوروں کا تو شکوہ ہی کیا کرتے ہیں ہم لوگ
غیروں کی طرح خود سے ملا کرتے ہیں ہم لوگ

پہلے تو کیا کرتے ہیں خود چاک گریباں
پھر خود ہی رفو اس کو کیا کرتے ہیں ہم لوگ

وہ اہل چمن ہیں کہ جب آتا ہے کوئی وقت
گلشن کو لہو اپنا دیا کرتے ہیں ہم لوگ

غم ہو کہ خوشی اپنے لئے دونوں ہیں یکساں
احساس سے اب دور رہا کرتے ہیں ہم لوگ

تبدیلی اقدار کا کیا دھیان نہیں ہے
اس دور میں کیوں ذکر وفا کرتے ہیں ہم لوگ

وہ درس محبت کا ملا ہے کسی در سے
اب غیروں کے حق میں بھی دعا کرتے ہیں ہم لوگ

سلیمان صدیقی

A Ghazal by Suleman Siddiqui

______________________||FaceBook Page||______________________

An Urdu Ghazal by Suleman Siddiqui

 ग़ज़ल

औरों का तो शिकवा ही किया करते हैं हम लोग
ग़ैरों की तरह ख़ुद से मिला करते हैं हम लोग

पहले तो किया करते हैं ख़ुद चाक गिरेबाँ
फिर ख़ुद ही रफ़ू उसको किया करते हैं हम लोग

वह अहले चमन हैं कि जब आता है कोई वक़्त
गुलशन को लहू अपना दिया करते हैं हम लोग

ग़म हो कि ख़ुशी अपने लिये दोनों हैं यकसां
एहसास से अब दूर रहा करते हैं हम लोग

वह दर्स मोहब्बत का मिला है किसी दर से
अब ग़ैरों के हक़ में भी दुआ करते हैं हम लोग

सुलेमान सिद्दीक़ी

Ghazal : Woh Duur Sey Pari Paikar Dikhai Deta Hai

غزل

وہ دور سے پری پیکر دکھائی دیتا ہے
قریب جاؤں تو پتھر دکھائی دیتا ہے

خلوص و مہر و وفا اُٹھ گئی زمانے سے
ہر اک ہاتھ میں خنجر دکھائی دیتا ہے

وہ ایک شخص جو ملنے پہ اجنبی سا لگے
وہ خواب میں مجھے اکثر دکھائی دیتا ہے

نثار جن پہ کئے ہم نے پھول ہستی کے
انھیں کے ہاتھ میں پتھر دکھائی دیتا ہے

وہ جس کا ذکر تھا اہلِ طرب کی محفل میں
غمِ حیات کا پیکر دکھائی دیتا ہے

سلیمان صدیقی

A Ghazal by Suleman Siddiqui

______________________||FaceBook Page||______________________

 

An Urdu Ghazal by Suleman Siddiqui

ग़ज़ल

वोह दूर से परी पैकर दिखाई देता है
क़रीब जाऊँ तो पत्थर दिखाई देता है

ख़ुलूसो महरो वफ़ा उठ गई ज़माने से
हर एक हाथ में ख़ंजर दिखाई देता है

वोह एक शख़्स जो मिलने पे अजनबी सा लगे
वोह ख़ाब में मुझे अक्सर दिखाई देता है

निसार जिन पे किये हमने फूल हस्ती के
उन्हीं के हाथ में पत्थर दिखाई देता है

सुलेमान सिद्दीक़ी

Ghazal : Dil Hi Jab Shishe Ka Laye

 

  

غزل

دل ہی جب شیشے کا لائے
پتھر سے ہم کیوں ٹکرائے

کہنے کو تھے دوست ہزاروں
وقت پہ لیکن کام نہ آئے

اپنوں سے صدہا زخم اٹھا کر
غیروں سے ہیں آس لگائے

پہلی  ٹھوکر  کھانے   والا
اپنے  سائے  سے  کترائے

عزم و یقین ہوں جس کے رہبر
کیوں نہ وہ  اپنی منزل پائے

ان کے ہجر میں  ہم نے لوگو
زیست کے دن بے کار گنوائے 

سلیمان صدیقی

ग़ज़ल

दिल ही जब शीशे का लाये
पत्थर से हम क्यों टकराये

कहने को थे दोस्त हज़ारों
वक़्त पे लेकिन काम न आये

अपनों से सदहा ज़ख्म उठा कर
ग़ैरों से हैं आस लगाये

पहली ठोकर खाने वाला
अपने साये से कतराये

उन के हिज्र में हम ने लोगो!
ज़ीस्त के दिन बेकार गँवाये

सुलेमान सिद्दीक़ी

Ghazal : Ishq Ki RahoN MeY Hamko To Mili MiyusiyaN

غزل

 
عشق کی راہوں میں ہم کو تو ملیں مایوسیاں
جو ہوئے ہیں کامراں وہ لوگ رہتے ہیں کہاں

جن میں ہو مہر و محبت جن میں ہو انس و خلوص
یہ بتاؤ دوست ایسے لوگ ملتے ہیں کہاں

زخم بھرتے جا رہے ہیں پھر تمہاری یاد کے
آؤ اب پھر سے سجائیں کوئی یادوں کا جہاں

بھول جانا اب تجھے میرے لئے ممکن نہیں
تو بھی مجھ کو بھول جائے یہ بھی ہے ممکن کہاں

زندگی ہے پھول کی مانند دلکش اور حسیں
زندگی کا حسن لیکن میں نے دیکھا ہیں کہاں

ہم بڑھے تو خود ہی اپنے پاس منزل آ گئی
ہم رکے جب بھی تو گویا رک گیا سارا جہاں

رنج و غم، آہ و فغاں، تاریکیاں، مایوسیاں
جس کے پیچھے ہم چلے تھے وہ مسرت اب کہاں

سلیمان صدیقی

Urdu Ghazal by Suleman Siddiqui

______________________||FaceBook Page||______________________

Urdu Ghazal by Suleman Siddiqui

ग़ज़ल

 
इश्क़ की राहों में हमको तो मिलीं मायूसियाँ
जो हुये हैं कामराँ वोह लोग रहते हैं कहाँ

ज़ख्म भरते जा रहे हैं फिर तुम्हारी याद के
आओ अब फिर से सजायें कोई यादों का जहाँ

भूल जाना अब तुझे मेरे लिये मुमकिन नहीं
तू भी मुझको भूल जाये यह भी है मुमकिन कहाँ

हम बढ़े तो ख़ुद ही अपने पास मंज़िल आ गई
हम रुके जब भी तो गोया रुक गया सारा जहाँ

रंजो-ग़म, आहो-फुग़ाँ, तारीकियाँ, मायूसियाँ
जिस के पीछे हम चले थे वह मसर्रत अब कहाँ

सुलेमान सिद्दीक़ी

Ghazal : Tasawwur Ki Duniya Mey Jab Aap Aaye

غزل

تصور  کی  دنیا  میں  جب  آپ  آئے
مہکتا   ہوا   گلستاں    ساتھ    لائے

چمن کو بھی اب تو  سمجھتے  ہیں  صحرا
فریب ایسے ہم نے زمانے سے کھائے

مسرت نے جب بھی چھڑایا ہے دامن
تو  رنج   و   الم  ہی   سدا   کام   آئے

گلہ ہم کو غیروں سے کیا ہو  یہاں تو
رفیقوں نے راہوں میں  کانٹے بچھائے

مہکنے  لگا  ہے  میرے  دل   کا  گلشن
تیری یاد  کے  پھول  جب  مسکرائے

نیا  عزم  لے  کر  چلے  جب  سفر  پر
بہت  دور منزل  کو  ہم  چھوڑ  آئے

ہزاروں ہی  افراد  سے  ہم  ملے  ہیں
مگر ہم کو  خود سے ہی  ملنے  نہ پائے

ہمی  رنج  و غم میں بھی  اک لطف  آیا
مصیبت  میں بھی ہم  سدا مسکرائے

سلیمان صدیقی

______________________________

Urdu Ghazal by Suleman Siddiqui

______________________||FaceBook Page||______________________

Urdu Ghazal by Suleman Siddiqui

ग़ज़ल

तसव्वुर की दुनिया में जब आप आये
महकता हुआ गुलिस्ताँ साथ लाये

चमन को भी अब तो समझते हैं सहरा
फ़रेब ऐसे हम ने ज़माने से खाये

गिला हम को ग़ैरों से क्या हो यहाँ तो
रफ़ीक़ों ने राहों में कांटे बिछाये

महकने लगा है मेरे दिल का गुलशन
तेरी याद के फूल जब मुस्कुराये

सुलेमान सिद्दीक़ी

Ghazal : YaqeeN Hai Ki Tumko Na PayeNgeY Ham

غزل

یقیں ہے کہ تم کو نہ پائیں گے ہم
مگر جاں کی بازی لگائیں گے ہم

کئی بار سوچا بھلائیں گے ہم
کبھی اُن کے در پر نہ جائیں گے ہم

یہ دنیا جو بدتر ہے دوزخ سے بھی
اِسے ایک جنت بنائیں گے ہم

جسے سُن کے پتھر پگھل جائیں گے
وہی گیت تم کو سنائیں گے ہم

یہ مانا کہ بیزار دنیا سے ہیں۔!
مگر کس طرف اور جائیں گے ہم

مسائل اگر زندگی کے بڑھے
اُنھیں جلد ہی بھول جائیں گے ہم

سلیمان صدیقی

 ____________________________

A Ghazal by Urdu Poet Suleman Siddiqui

_________

__Salman Siddiqui on Facebook __

A Ghazal by Urdu Poet Suleman Siddiqui

ग़ज़ल
 

यक़ीं है कि तुमको न पायेंगे हम
मगर जाँ की बाज़ी लगायेंगे हम

कई बार सोचा भुलायेंगे हम
कभी उनके दर पर न जायेंगे हम

जिसे सुनके पत्थर पिघल जायेंगे
वही गीत तुमको सुनायेंगे हम

ये माना कि बेज़ार दुनिया से हैं!
मगर किस तरफ़ और जायेंगे हम

सुलेमान सिद्दीक़ी

Ghazal : Muhabbat Mey Hamney Yeh Hasti Ganwai

غزل

محبت میں ہم نے یہ ہستی گنوائ
مگر ان کی الفت کہاں ہاتھ آئ

چراغوں سے روشن ہیں گھر جن کے دیکھیں
کسی کے دئیے کی ہے لو ٹمٹمائ

ہمیشہ رہا میں تو افسردہ خاطر
جہاں میں بہت ہی مصیبت اٹھائی

خدایا مجھے بس جہاں سے اٹھا لے
کہ اک دن نہ یہ زندگی راس آئ

کوئی کاش مجھ پر ستم اپنے ڈھائے
کوئی کاش مجھ سے کرے بے وفائ

تجھی پر ہیں عاشق مگر سوچتے ہیں
ادا ہم کو تیری بھلا کون بھائ

سپر ڈال دی سب نے تیغ ستم پر
مگر اک ہمیں نے محبت نبھائ

سلیمان صدیقی
_____________________

Urdu Ghazal by Suleman Siddiqui

Salman Siddiqui on Facebook

Urdu Ghazal by Suleman Siddiqui

ग़ज़ल

मुहब्बत में हम ने ये हस्ती गँवाई
मगर उनकी उलफ़त कहाँ हाथ आई

चराग़ों से रौशन हैं घर जिनके देखें
किसी के दिये की है लौ टिमटिमाई

ख़ुदाया मुझे बस जहाँ से उठा ले
कि इक दिन न ये ज़िन्दगी रास आई

कोई काश मुझ पर सितम अपने ढाये
कोई काश मुझ से करे बेवफ़ाई

तुझी पर हैं आशिक़ मगर सोचते हैं
अदा हम को तेरी भला कौन भाई

सुलेमान सिद्दीक़ी

Ghazal : Ha'el Na Raah Mey Koi Khana-Khraab Ho

غزل

حائل نہ راہ میں کوئی خانہ خراب ہو
میری دعا ہے تیرا سفر کامیاب ہو

جس نے ہماری زیست کو روشن سدا کیا
تم ایسا اک چمکتا ہوا آفتاب ہو

لب ہیں تمہارے گویا کہ کلیاں کھلی ہوئیں
آنکھیں تمہاری جام میں جیسے شراب ہو

کوشش کے باوجود نہ ہم پڑھ سکے کبھی
ویسے تو تم کھلی ہوئی کوئی کتاب ہو

نکہت بسی ہے پھولوں میں تیرے وجود سے
نغمے بکھیرتا ہوا تم اک رباب ہو

نظروں میں ہے تمہاری ہی صورت بسی ہوئی
زیر نقاب دھکے بھی تم بے حجاب ہو

زلفیں تمہاری جیسے کہ ساون کی ہو گھٹا
عارض تمہارے جیسے کہ کوئی گلاب ہو 

سلیمان صدیقی

_________________________

A Ghazal by Suleman Siddiqui

Salman Siddiqui on Facebook

Urdu Ghazal by Suleman Siddiqui

 ग़ज़ल

हाइल न राह में कोई ख़ाना-ख़राब हो
मेरी दुआ है तेरा सफ़र कामयाब हो

जिस ने हमारी ज़ीस्त को रौशन सदा किया
तुम ऐसा इक चमकता हुआ आफ़ताब हो

लब हैं तुम्हारे गोया कि कलियाँ खिली हुईं
आँखें तुम्हारी जाम में जैसे शराब हो

कोशिश के बावजूद न हम पढ़ सके कभी
वैसे तो तुम खुली हुई कोई किताब हो

ज़ुल्फ़ें तुम्हारी जैसे कि सावन की हो घटा
आरिज़ तुम्हारे जैसे कि कोई गुलाब हो

सुलेमान सिद्दीक़ी

Ghazal : Jab Sey Ki Hai Dil Mey Merey Ehsaas Ka Dera

غزل

جب سے کہ ہے دل میں مرے احساس کا ڈیرا
ہر لمحہ یہاں رہتا ہے بس درد کا پھیرا

ہم نے ہی چراغاں کیا ہر راہ گزر پر!
اپنے ہی گھروں میں رہا ظلمت کا بسیرا

جب قلب مسرت کی شعاعوں سے ہو روشن
اس عہد میں آئے گا کبھی ایسا سویرا

تم گھر سے تو نکلو لئے اک عزم کی مشعل
ہو جائے گا کافور مصیبت کا اندھیرا

میں نے تو ترے واسطے دنیا ہی لٹا دی
تو پھر بھی کسی طرح نہ اب تک ہوا میرا

ہر شاخ بریدہ ہے، ہر اک پھول ہے زخمی
سنتے ہیں چمن میں ہے بہاروں کا بسیرا

سلیمان صدیقی

__________________________

A Ghazal by Suleman Siddiqui

Salman Siddiqui on Facebook

Ghazal : Jagmagate Shahar Ki Kya Khoob Hain TareekiyaN

غزل

جگمگاتے شہر کی کیا خوب ہیں تاریکیاں
گھر کے باہر ہے اجالا گھر کے اندر ہے دھواں

اے فقیہ شہر اب تو کس لئے خاموش ہے
سچ کے کہنے پر کٹی ہے کس لئے میری زباں

تم بھی رکھتے ہو محبت میرے دل میں بھی خلوص
پھر یہ کیسا فاصلہ میرے تمھارے درمیاں

زندگی ہے یا کسی مفلس کا بوسیدہ لباس
ہے دریدہ پیرہن اڑتی ہیں جس کی دھجیاں

وہ تیری مخمور آنکھیں وہ تیرے ہوٹوں کا لمس
ڈھونڈھتا ہوں چار سو لیکن وہ جنت اب کہاں

وہ تیری مرمری سی باہیں وہ تیرے کاکل کی شب
ہم کبھی سرشار رہتے تھے انھیں کے درمیاں

وہ مہکتی رات جب پہلو میں میرے آپ تھے
یاد ہی اب رہ گئی ہے اب بھلا وہ شب کہاں

زندگی اک دشت کی مانند ویراں ہو گئی
تم نہیں ہو ساتھ تو مہکی ہوئی راتیں کہاں

سلیمان صدیقی

_________________________

A Ghazal by Suleman Siddiqui

Ghazal : Mushkilon Mey Bhi Khuda ko Yaad Tum Kar Lo Agar

غزل

مشکلوں میں بھی خدا کو یاد کر لو تم اگر
شامِ غم خود لے کے آ جائے گی نورانی سحر

میں نے کچھ الله سے مانگا نہیں اپنے لئے
کون کہتا ہے دعاؤں میں نہیں میری اثر

میں نہ اربابِ نظر میں ہوں نہ اہلِ زر میں ہوں
ان کی محفل میں بھلا ہو کس طرح میرا گزر

جستجوئے یار تو بس گرمئ  خوں تک رہی
دل میں وہ پہلا سا شعلہ ہے نہ باقی ہے شرر

مسئلوں کی بیڑیوں نے قید کر رکھا مجھے
موت تو آزاد کر دے بیڑیاں یہ کاٹ کر

دل میں داغِ آرزو، آنکھوں میں دشتِ بیکسی
مل گیا ہاں مل گیا مجھ کو محبت کا ثمر

سلیمان صدیقی

______________________

Suleman Siddiqui Urdu Poetry

Hamd | حمد

 دونوں عالم کا آسرا تو ہے
صاحب بخشش و عطا تو ہے

ابتدا تو ہے انتہا تو ہے
فہم و دانش سے ماورا تو ہے

جستجو تیری اضطرابِ نظر
خلشِ دل کا مدعا تو ہے

لب پہ ہے لا الہ اللله
میں ہوں بندہ مرا خدا تو ہے

تیری توحید نور فکر و خیال
رہنماؤں کا رہنما تو ہے

غیب آئینہ شہود ترا
جو چھپا ہے وہ دیکھتا تو ہے

لمحہ لمحہ پہ ہے نگاہ تیری
خلق سوتی ہے جاگتا تو ہے

کیوں کسی در پہ ہاتھ پھیلاؤں
جب میں تیرا ہوں اور مرا تو ہے

اے غفورالرحیم چشمِ کرم
دینے والا حیات کا تو ہے

 ~:~

 سلیمان صدیقی

__________________________

Hamd by Suleman Siddiqui